Asurtzu-Erloko indusketa gunea, jasota eta babestuta
Asurtzu-Erlo-AzpeitiaAsteburu honetan Azpeitiko gazte gogotsu hauek lagundu digute ekainean erabili genituen indusketako ekipamendu guztiak Erlotik jasotzen.
Eskerrik asko gaztiek, bejon deizuela!
Indusketa sarearekin babestu, ekipamendu guztiarekin porteadore lanak egin kotxetara, herrira jaitsi eta mangerarekin garbiketa lanak egin ditugu.
Beroak estutu bat eman die gazteei, batez ere eguzkitan garbiketak egiterakoan, baina freskagarri txiki batzuekin primeran domatu dute egiten zuen sargore beldurgarria.
Umoretsu bukatu ditugu egin beharrekoak.
Indusketako zonaldea ongi babestua gelditu da datorren urtera arte, bai pertsonentzat eta baita animalientzat ere.
Orain laborategiko ikerketak tokatzen dira egitea.
Ikerketen emaitzen berri izango duzue.
Antxieta Arkeologi Taldea
Gipuzkoan ikerketa arkeologikoa garatzen duen taldea
Gipuzkoan ikerketa arkeologikoa garatzen duen irabazi asmorik gabeko talde kulturala.
