Bukatutzat eman ditugu 2023ko ikerketak Lasturko kobazulo berezi honetan. 2017an, paleolitoko Labar Artea aurkitu genuen Antxietakoek eta geroztik, Blanca Ochoa, UCM unibertsitateko ikerlaria lan bikaina ari da egiten koba honetako paleolitoko grabatuekin.
LABAR ARTEA miaketa sistematikoak eta ARKEOLOGIA miaketa orokorrak Urola, Deba eta Oriako bailaratan.
Igande honetan, azaroak 20, Zestoan Herri Azoka eduki dugu. Kriston giroa eduki dugu Zestoako plazan. Herritarrak ez dira gelditu ere egin, galdera bat bestearen atzetik, dena jakin nahian. Eta gu gustura matraka galanta sartzen denei.
Urtarrilak 23, igandea. Hotza egiten du Burgos iparraldeko Merindadeetan: zero azpitik sei gradu. Eduardo Sainz-Maza adituarekin joan gara lurralde eder horretan dagoen labar arte bikaina ikustera eta ikastera. Eduardok ikerketa lan bikaina egina dauka zonalde horretan, eta miaketa lanetan laguntzeko prest agertu gara gu.
Uztailak 16 Ostirala: Atxurra Berriatua – Bizkaia. Diego Garate eta Olivia Riverok erakutsi dizkigute Atxurra kobazuloko altxorrak. Bizkaiako Berriatua “Berritxu"ko herrialdean daude kokatuak, Euskal Herriko Labar Artearen hain ezaugarriak diren grabatu eta margo hauek.
Labar artean gaur egungo punta-puntako adituen artean dagoen Diego Garate plentziarraren bisita jaso genuen joan den igandean, eta berarekin miaketa saio bikain bat egiteko ohorea izan genuen. Guk ere ez genizkion gauzak erraz-erraz ipini.
1969ko ekainaren 8an, Azpeitiko Antxieta taldeko Andoni Albizuri Katxo-k eta Rafael Rezabalek sari bikaina lortu zuten, Sastarrain bailaran arkeologia miaketak egiten zebiltzala: Ekaingo margoak aurkitu zituzten. Labar arte paregabea eta aztarnategi ikusgarria.
Azken egunotako eguraldia aproposa izan ohi da ezkutuko koba estaliak bilatzeko. Koba barruetan askoz haize epelagoa egon ohi da kanpoan baino, eta bertan garatzen diren presioengatik baporez kargatutako haize ufadak sortzen dira kanpo aldera, ketan dagoen tximinia bat balitz bezala.
