Zestoa

Atzo, azaroak 17, “Errinozeroak, hienak, elur oreinak eta hartzak Urolako bailaran“ hitzaldia eman zigun Asier Gomez Olivenciak Zestoan. Aukera bikaina izan genuen Zestoan, Asier Gomez-ekin, Errinozeroak, hienak, elur oreinak eta hartzak, Urolako bailaran gizakiarekin biziraupenagatik lehiatzen ziren garaietara eraman gintuen bere hitzaldiarekin.

Atzo, azaroak 15, “Zestoako Neanderthalak ezagutzen“ hitzaldia eman zigun Joseba Riosek Zestoan. Bertan kontatu zizkigun Josebak Zestoako Neanderthalen sekretu guztiak. Aukera bikaina eduki genuen Joseba Riosekin, Altzolarats bailarako Neanderthalen tartean murgiltzeko.

Zestoako Udalak antolatu du egitasmoa, eta hilaren 15etik 20ra bitartean, herritarrek Amalda III haitzuloari, Baioko eta Amabiturrietako aztarnategiari edota Antxieta arkeologia taldearen jardunari buruz gehiago jakiteko aukera izango dute.

Zestoako Altzolarats bailaran Neanderthalak bizi izan ziren gutxienez duela 100.000 urtetik 45.000 urtera bailarako hainbat kobazulotan. 1980ko eta 1990ko hamarkadetan hamasei aztarnategi katalogatu genituen zundaketen bidez bailara horretan. Amalda III da aztarnategi horietako bat.

Zestoako Amalda III kobazuloko indusketa aurrera doa, eta Neanderthalen industria bikaina azaleratzen ari zaigu 13. azal honetan. Harrizko industria ugaria eta gizaki trebe haiek jaten zituzten animalia ezberdinen hezur zatiak.

Iritsi da ametsak errealitate bihurtzeko eguna. Irailak 3, Joseba Rios eta Laura Sanchez-en zuzendaritzapean, beraien taldekideekin eta Antxietakoen laguntzarekin, 2022ko indusketekin hasten gara. Aste honetan bideko sasiak moztu eta sokarekin esku laguntzak ipini ditugu bidean kobara iristeko.

Ikerketa lan bikaina egiten ari dira Asier Gomez-Olivencia EHU eta bere lan taldea Zestoako aztarnategi garrantzitsu honetan. Antxieta taldekoak ere elkarlanean ari gera proiektu honetan. Sorpresa ugari ematen ari da eta gehiago emango dituzte epe laburrean ikerketa hauek.

AMALDA-III 1983ean aurkitu genuen Antxieta taldekoek eta zundaketa bat eginez katalogatu genuen. Hain zuzen ere, Neanderthalen bizileku sekuentzia luze bat dago dokumentatuta koba honetan. 2019an ekin genion bertan elkarlanean indusketak egiteari eta horretan gabiltza, ordundik ikerketa sakon bat eginez.

EHUko ikerlariekin estratigrafia eta palinologia laginak jaso ditugu joan den asteburuan. Eguraldi kaskarra eginagatik, lan egin ahal izan genuen Zestoako Baio kobazuloan.

Estratigrafia: Lur azalak nola metatuak dauden ikerketa.