Hezurren Egia
Hezurren Egia
2014-08-25
·
1 minutuko irakurketa
Hezurren Egia logoaBertan Gu izan aurretik, gizakia gutxienez 300.000 urtez bizi izan da Urola bailaran. Klima eta ingurua aldizka aldatuz joan dira epe luze horretan, eta Urolako lehen gizakia lehoi, elefante, hiena, makako eta bestelako piztien artean bizi izan zen. Milaka urte geroago, Izotz Aroan zehar, orduko gizakiak mamutekin, errinozero iletsuekin, bisonteekin, eta kobetako hartz, lehoi eta hienekin partekatu zuen lurralde hau. Duela 40.000 urte, gu bezalakoa zen gizakiak hotzaldirik latzena gainditzea lortu zuen bizimodu ehiztari-nomadari esker, eta klima hobetzean, azkenean, nekazari eta abeltzain bilakatu zen duela 7.000 urte, bere lurraldean finkatuz.
Posterrak
Bideoak
Ariketak
Maila erraza
Maila ertaina
Maila zaila
Egileak
Gipuzkoan ikerketa arkeologikoa garatzen duen taldea
Antxieta Arkeologi Taldea Gipuzkoan ikerketa arkeologikoa garatzen dugun irabazi asmorik gabeko talde kulturala gara. Gure lana aurrehistoriako arrastoen aurkikuntzan oinarritzen da, bai haitzuloetan, baita aire librean ere. Gipuzkoako Foru Aldundiaren baimenarekin ikerketako lehen fasean murgiltzen gara. Hau da, gure inguruetako aran eta mendietan miaketak eta zundaketak egin, laginak eta materialak analizatu eta azterketa orokor bat egiten diegu, aurkikuntzaren ezaugarriak neurtzeko. Behin-behineko estratigrafia ere finkatzen dugu material arkeologikoekin eta laginekin. Lan hau arkeologo aditu baten zuzendaritzapean eta elkarlanean egiten dugu. Ikerketaren lehen fasea amaitzean, material guztiak siglatu eta inbentariatzen dira. Ondoren, Gordailura entregatzen dira, Gipuzkoako Foru Aldundiaren arkeologia ondarearen gordetegia, dagokien katalogazio ofiziala egiteko eta ikerlari guztien eskura egoteko, informazio eta txosten guztiekin batera.