URTIAGAKO LEIZEA - Itziar - 1981/2022 | Antxieta Arkeologi Taldea

URTIAGAKO LEIZEA - Itziar - 1981/2022

2022-04-12 · 1 minutuko irakurketa

Urtiagako Leizea - Itziar - 1981/2022

Urte batzuk pasatu ondoren, bueltatu egin gara Itziarko URTIAGAKO LEIZERA. 1981ean zulo estu eta beldurgarri batetik sartu ginen milaka urtetan inor ibili gabeko galeria zoragarri batzuetara. Bihotzak abiadura bizian taupadaka eduki genituen, emozioz betetako hurrengo orduetan eta egunetan. Lehengo igandean, berriro emozionatu ginen hara bueltatzean.

1981 eta 1983 artean bi zundaketa egin genituen Jesus Altunaren ardurapean. Orain, Irungo GORDAILURA joan gara, zundaketa haietan aurkitutako paleontologia eta litika bakar batzuk berrikustera eta denei argazkiak ateratzera. Benetan material bikaina dago.

Primizia moduan, Kantauri aldeko Euskal Herriko lehen mamuta aurkitu genuen, beste zenbait espezierekin batera:

Belarjaleak:

Mammuthus primigenius
Equus ferus
Coleodonta antiquitatis
Rupicapra rupicapra
Ranfiter tarandus
Cervus elapus
Capreolus capreolus
Megaloceros giganteus
Lepus europaeus
Bos

Eta haragijaleak:

Panthera leo
Crocuta crocuta
Canis lupus
Vulpes vulpes
Ursus spelaeus
Mustela
Meles meles

Azkenengoz editatua 2026-01-08

Urtiagako Leizea Itziar Kobazuloak

Egileak

Antxieta Arkeologi Taldea

Gipuzkoan ikerketa arkeologikoa garatzen duen taldea

Antxieta Arkeologi Taldea Gipuzkoan ikerketa arkeologikoa garatzen dugun irabazi asmorik gabeko talde kulturala gara. Gure lana aurrehistoriako arrastoen aurkikuntzan oinarritzen da, bai haitzuloetan, baita aire librean ere. Gipuzkoako Foru Aldundiaren baimenarekin ikerketako lehen fasean murgiltzen gara. Hau da, gure inguruetako aran eta mendietan miaketak eta zundaketak egin, laginak eta materialak analizatu eta azterketa orokor bat egiten diegu, aurkikuntzaren ezaugarriak neurtzeko. Behin-behineko estratigrafia ere finkatzen dugu material arkeologikoekin eta laginekin. Lan hau arkeologo aditu baten zuzendaritzapean eta elkarlanean egiten dugu. Ikerketaren lehen fasea amaitzean, material guztiak siglatu eta inbentariatzen dira. Ondoren, Gordailura entregatzen dira, Gipuzkoako Foru Aldundiaren arkeologia ondarearen gordetegia, dagokien katalogazio ofiziala egiteko eta ikerlari guztien eskura egoteko, informazio eta txosten guztiekin batera.

← Asurtzu-Erlo-Azpeitia, aire zabaleko indusketa arkeologikoaren eguraldia 2022-06-07

Izarraitz, aire zabaleko ikerketa arkeologikoak: elurra mara-mara 2022-03-07 →

Erlazionatuta

Baio Zestoa Kobazuloak Fauna

Baio Kobazuloko ikerketa arkeologikoa: urarekin galbaiketa

Ikerketa lan bikaina egiten ari dira Asier Gomez-Olivencia EHU eta bere lan taldea Zestoako aztarnategi garrantzitsu honetan. Antxieta taldekoak ere elkarlanean ari gera proiektu …

2022-02-19 • 1 minutuko irakurketa

Irakurri gehiago

Amalda III Zestoa Kobazuloak

Laura Sanchez Romeroren hitzaldia Amalda III kobazuloko Neanderthalen inguruan

AMALDA-III 1983ean aurkitu genuen Antxieta taldekoek eta zundaketa bat eginez katalogatu genuen. Hain zuzen ere, Neanderthalen bizileku sekuentzia luze bat dago dokumentatuta koba …

2022-01-20 • 1 minutuko irakurketa

Irakurri gehiago

Ezkuzta Azpeitia Kobazuloak

Ezkuzta kobako ur jauzia

Goi paleolitoko aztarnategi bikaina daukan koba honetatik, ur jauzi edo surgentzia indartsua irteten du, euriak gelditu eta astebete igaro ta gero ere. Izarraitzeko sistema …

2022-01-18 • 1 minutuko irakurketa

Irakurri gehiago

Baio Zestoa Kobazuloak Fauna

Baio kobazuloan, estratigrafia eta palinologia laginak jasotzen

EHUko ikerlariekin estratigrafia eta palinologia laginak jaso ditugu joan den asteburuan. Eguraldi kaskarra eginagatik, lan egin ahal izan genuen Zestoako Baio kobazuloan.

2021-11-29 • 1 minutuko irakurketa

Irakurri gehiago