El Pendon trikuharria
El Pendon trikuharria
2021-08-13
·
1 minutuko irakurketa
El Pendon trikuharriaUztailaren azken egunetan, Manuel Rojo arkeologoaren eta Valladolideko unibertsitateko lantaldearen indusketa lanak ikustera joan ginen Antxieta taldeko kideok. Reionosoko (Burgos) El Pendon trikuharrian izan ginen; izan ere, indusketa lan bikaina eta interpretazio sakonak egiten ari dira han.


Ikerketetan aurreikusten dituzten hilobiratze erritoak benetan harrigarriak dira, eta bilatu dituzten aztarnak ikusgarriak. Zorionak, lantaldeari!
Merezi du ikustera joateak, bai Trikuharria, baita herriko erakusketa ere. Edozein joan daiteke ikustera, urte guztian irekia dago.


Egileak
Gipuzkoan ikerketa arkeologikoa garatzen duen taldea
Antxieta Arkeologi Taldea Gipuzkoan ikerketa arkeologikoa garatzen dugun irabazi asmorik gabeko talde kulturala gara. Gure lana aurrehistoriako arrastoen aurkikuntzan oinarritzen da, bai haitzuloetan, baita aire librean ere. Gipuzkoako Foru Aldundiaren baimenarekin ikerketako lehen fasean murgiltzen gara. Hau da, gure inguruetako aran eta mendietan miaketak eta zundaketak egin, laginak eta materialak analizatu eta azterketa orokor bat egiten diegu, aurkikuntzaren ezaugarriak neurtzeko. Behin-behineko estratigrafia ere finkatzen dugu material arkeologikoekin eta laginekin. Lan hau arkeologo aditu baten zuzendaritzapean eta elkarlanean egiten dugu. Ikerketaren lehen fasea amaitzean, material guztiak siglatu eta inbentariatzen dira. Ondoren, Gordailura entregatzen dira, Gipuzkoako Foru Aldundiaren arkeologia ondarearen gordetegia, dagokien katalogazio ofiziala egiteko eta ikerlari guztien eskura egoteko, informazio eta txosten guztiekin batera.




