Amaitu dituzte Zestoako Amalda III kobazuloko indusketa lanak
Jabier Lazkano, Alfonso Benito eta Joseba Rios Amalda III kobanAntxieta arkeologia taldeko kideak Amalda III kobazuloan gordetako Neanderthal garaiko aztarnen bila jardun dira egunotan, Joseba Rios arkeologo taldearekin batera. Atzo, asteazkena, Burgosko CENIEH ikerketa zentroko Alfonso Benito geologoaren bisita izan zuten indusketan, bertako sedimentuen ikerketarekin laguntzeko. Astebete inguru lanean ibili ostean, Joseba Rios arkeologoak atzo bertan bukatutzat eman zuen aurtengo indusketa. Antxieta arkeologia taldeko kideek azaldu dute “mundiala” izan dela horiekin elkarlanean jardutea, Amalda III “aztarnategi bikain” horretan.
Zestoako Altzolarats bailaran dago Amalda III eta Antxietakoak izan ziren, hain zuzen ere, kobazulo hori aurkitu zutenak, 1983an. Hala ere, eta kobazulo horren irisgarritasun zailtasunak tarteko, ia 40 urtez ez da indusketarik egin Amalda III-n. 2017an, ordea, Burgosko CENIEH ikerketa zentroko Joseba Rios arkeologoaren laguntza eskaera jaso zuten Antxietakoek, Amalda III-n indusketa lanak egiteko. Azpeitiarren baiezkoa jasota, Gipuzkoako Foru Aldundiaren baimena eta aldundiaren beraren eta Zestoako eta Azpeitiko udalen dirulaguntza jasota, iaz ekin zioten berriro Altzolarats bailarako koba ikertzeari Riosek eta haren lantaldeak, Antxietakoen laguntzarekin.
Erlazionatuta
Zestoako Amalda III kobazuloko indusketa lanetan dabiltza Antxietakoak
Joseba Rios arkeologoaren taldeak aste honetan hasi du indusketa kanpaina bertan eta Azpeitiko arkeologi taldekoak ere ari dira parte hartzen, Neanderthal garaiko aztarnen bila.
Amalda III kobazuloko prestakuntza lanak
CENIEHko Joseba Rios arkeologoa eta bere lankideek Iraileko hirugarren astean indusketak hasten dituzte. Antxietakoak lehenago hasi gera lanean eta Altzolaraz bailarako sasi …
Erlaitz kobako labar artea ikertzen ari dira
Blanca Ochoa EHUko arkeologoa eta Marcos Garcia Madrilgo Unibertsitate Konplutentseko ikerlaria Erlaitzko labar artea ikertzen hasi dira, Antxieta taldearen laguntzarekin. Antxieta …
Ekain 1969, Andoni Albizuri eta Rafael Rezabal
1969ko Ekainak 8an Andoni Albizuri “Katxo” eta Rafael Rezabal, Azpeitiko Antxieta taldeko kideak, Sastarrain bailaran arkeologia miaketak egiten zabiltzatela Ekaingo margoak …
Antxieta Arkeologi Taldea berriz martxan
Konfinamenduak geldiarazita izan dituen arrean, egoerak ahalbidetu dien bezain pronto hasi dira martxan Antxieta arkeologia taldeko kideak. Duela bi asteburu ekin zieten …